पुणे | दि. २४ जून २०२६ : बालगंधर्व रंगमंदिर वर्धापन दिनानिमित्त आयोजित भव्य सत्कार समारंभात संघमित्रा फिल्म प्रॉडक्शनच्या निर्मात्या तसेच रिपब्लिकन पार्टी ऑफ इंडिया (आठवले गट), महाराष्ट्रच्या चीफ सेक्रेटरी श्रीमती संघमित्रा ताई गायकवाड यांचा चित्रपटसृष्टी आणि सामाजिक क्षेत्रातील उल्लेखनीय योगदानाबद्दल विशेष सन्मान करण्यात आला.
यापूर्वी बालगंधर्व परिवार ट्रस्ट, महाराष्ट्रचे अध्यक्ष मा. मेघराज राजे भोसले यांनी त्यांना अधिकृत निमंत्रण देऊन या प्रतिष्ठित सोहळ्यास उपस्थित राहण्याचे आमंत्रण दिले होते. त्या निमंत्रणाचा स्वीकार करून संघमित्रा ताई कार्यक्रमास उपस्थित राहिल्या.
या सोहळ्यात प्रसिद्ध गायक मा. आनंद शिंदे, मा. मेघराज राजे भोसले, अभिनेते अमर पुणेकर, ज्येष्ठ अभिनेत्री वर्षा उसगावकर, ॲड. मंदार जोशी, रिपब्लिकन कलाकार आघाडीचे पदाधिकारी, ज्येष्ठ नेते उल्हासदादा पवार, तसेच मराठी चित्रपट “मामाच्या गोव्याला जाऊ या” मधील कलाकार यांच्या हस्ते संघमित्रा ताई गायकवाड यांना सन्मानचिन्ह व प्रशस्तीपत्र प्रदान करून गौरविण्यात आले.
संघमित्रा ताई गायकवाड या मराठी चित्रपटसृष्टीतील एक संवेदनशील आणि दूरदृष्टी असलेल्या निर्मात्या म्हणून ओळखल्या जातात. संघमित्रा फिल्म प्रॉडक्शनच्या माध्यमातून त्यांनी अनेक नवोदित कलाकारांना व्यासपीठ उपलब्ध करून दिले आहे. चित्रपट निर्मितीसोबतच त्या सामाजिक बांधिलकी जपत विविध जनहिताच्या उपक्रमांमध्ये सक्रिय सहभाग घेत असतात.
त्या रिपब्लिकन पार्टी ऑफ इंडिया (आठवले गट), महाराष्ट्रच्या चीफ सेक्रेटरी म्हणूनही कार्यरत असून सामाजिक न्याय, महिला सक्षमीकरण, वंचित घटकांचे प्रश्न आणि समाजहिताच्या विविध विषयांवर सातत्याने काम करत आहेत. राजकीय, सामाजिक आणि सांस्कृतिक क्षेत्रात त्यांनी केलेल्या उल्लेखनीय कार्यामुळे त्यांची स्वतंत्र ओळख निर्माण झाली आहे.
उपस्थित मान्यवरांनी संघमित्रा ताई यांच्या कार्याचे कौतुक करत, चित्रपटसृष्टी आणि समाजकारण या दोन्ही क्षेत्रांत त्यांनी दिलेले योगदान प्रेरणादायी असल्याचे सांगितले. त्यांच्या कार्याचा गौरव म्हणून हा विशेष सन्मान प्रदान करण्यात आला.
संघमित्रा ताई गायकवाड यांचा हा सन्मान त्यांच्या बहुआयामी कार्याची दखल असून, कला, समाजसेवा आणि जनहितासाठी त्यांनी केलेल्या कार्याला मिळालेली ही एक प्रतिष्ठेची पावती मानली जात आहे.
बालगंधर्व रंगमंदिर वर्धापन दिन सोहळ्यात निर्माती तथा रिपब्लिकन पक्षाच्या नेत्या संघमित्रा ताई गायकवाड यांचा विशेष सन्मान